"Ermənistan üzərindən keçən və hələ də bağlı olan Qars-Gömrü-Tbilisi xətti isə istifadəsiz qaldığı üçün Ermənistanın vəziyyəti ağırlaşacaq”.
Bunu "Sherg.az”a Ermənistanın Bakı-Tbilisi-Qars (BTQ) dəmir yolu layihəsindən kənarda qalmasının nəticələrini izah edərkən siyasi şərhçi Azər Rəşidoğlu deyib.
O bildirib ki, bu layihə ilə Azərbaycanın regional gücü artır:
" Türkiyə və Mərkəzi Asiya ölkələri arasında quru yolu üzərində Azərbaycan əsas faktor olacaq. Eləcə də "Böyük İpək Yolu” layihəsinin həyata keçməsi ilə Çindən Avropaya qədər olan marşrut xəttində əsas paya sahib olacaq. Belə demək mümkünsə, Uzaq Şərq ilə Avropa arasında paylayıcı rol oynamaqla ölkəmizin siyasi əhəmiyyəti Avropa və Avrasiyada daha da yüksələcək. BTQ Türkiyə, Gürcüstan və Azərbaycanın bölgədə mövqeyini möhkəmləndirir.
Bu layihədən kənarda qalan İrəvan son nəticədə Qarabağ münaqişəsinin tənzimlənməsində güzəştlərə vadar olacaq.
Bütün regional layihələr Ermənistanın iştirakı olmadan həyata keçirilir. Qarabağ problemi İrəvan üçün daha ciddi başağrısına çevrilməkdədir. Bir sözlə, İrəvan baş verənləri nəzərə almasa, xoşagəlməz nəticələrlə üzləşə bilər.
Azərbaycan öz qonşuları ilə uzun vədəli iqtisadi, nəqliyyat və mədəni sahələri əhatə edən iri layihələr həyata keçirəcək.
Bu, Azərbaycana imkan verəcək ki, öz enerji məhsullarını dünya bazarlarına çoxşaxəli formada çıxara bilsin. Bakı digər formatlardan da kənarda qalmır. Bu geosiyasi oyunda ən böyük itki ilə ermənilər üzləşir”.
Qeyd edək ki, xarici işlər naziri Elmar Məmmədyarov layihəyə Ermənistanın qoşulması ilə bağlı şərtləri açıqlayıb. Nazirin sözlərinə görə, ilk növbədə münaqişə həll olunmalı, qoşunlar bizim işğal olunmuş torpaqlarımızdan çıxarılmalıdır.
Aysel Aslan
