Kənd təsərrüfatı nazirinin keçmiş müavini, Şəmkir rayon İcra Hakimiyyətinin sabiq başçısı Aslan Aslanov vəfat edib.
Bu barədə Modern.az saytına mərhumun dostları məlumat veriblər. Onlar bildiriblər ki, Aslan Aslanov avqustun 23-də gecə saatlarında dünyasını dəyişib. Mərhumu bu gün dəfn etmək üçün doğulduğu Şəmkir rayonuna aparıblar. Qeyd olunur ki, Aslan Aslanov son illər ağır xəstəlikdən əziyyət çəkirmiş.
Aslan Əli oğlu Aslanov 1961-ci ildə Şəmkir rayonunun Əliyaqublu kəndində anadan olub. 1993-2005-ci illərdə Şəmkir rayon İcra Hakimiyyətinin başçısı olub.
Daha sonra 2013-cü ilin oktyabrınadək kənd təsərrüfatı nazirinin müavini vəzifəsində çalışıb. 2013-cü ildən sonra heç bir rəsmi vəzifəyə təyin olunmamışdı, işsiz idi.
Aslan Aslanov həm də YAP Siyasi Şurasının üzvlərindən biriydi.
