"Gənclərin siqaretin zərərləri ilə bağlı informasiyaları az olduğuna görə, ona maraq çox böyükdür”.
Bunu "Sherg.az”a amerikalı alimlərin texnoloqlarla birgə siqaret çəkməklə mübarizəyə yönəlmiş ixtisaslaşmış sosial şəbəkə yaratmasına münasibət bildirərkən "Siqaretsiz həyat” İctimai Birliyin eksperti İradə Polad deyib.
O bildirib ki, bu, böyük piar şəklində həyata keçirilsə, effekt verər:
"Kiçik yaşlı uşaqlar, 5-6-cı sinifdə oxuyanlar sosial şəbəkələrdə aktivdir. Belə sosial şəbəkə yaradılması və bunun bütün dünyada tətbiq edilməsi maarifləndirmə tədbirlərini gücləndirə bilər. Daha effektiv addımlar atmaq üçün bu sosial şəbəkəni təkmilləşdirmək vacibdir”.
Qeyd edək ki, məlumata görə, xidmətdən mütəmadi istifadə insanın zərərli vərdişlərdən imtina etmək şanslarını artırır.
Bu terapiya psixologiya və kibernetikanın əsasında yaradılıb. Onun əsasında süni intellekt ekspertlərinin və Ayova Universitetinin təhlilləri, Mayo mütəxəssislərinin müşahidələri dayanır.
Aysel Aslan
