Milli Məclisin bu gün keçirilən iclasında spiker Oqtay Əsədovla komitə sədri Rafael Hüseynov arasında mübahisə olub. Sherg.az-ın məlumatına görə, "Tütün məmulatlarının istifadəsinin məhdudlaşdırılması haqqında", "Tütün və tütün məmulatı haqqında", "Televiziya və radio yayımı haqqında", "İctimai televiziya və radio yayımı haqqında" qanun layihələrini Milli Məclisin Mədəniyyət komitəsinin sədri Rafael Hüseynov geniş təqdim edib.
Spiker O.Əsədov qanun layihəsini III oxunuşda bu qədər geniş təqdim etdiyinə görə R.Hüseynova irad tutub:
"Ay Rafael müəllim, qanun layihəsi artıq üçüncü oxunuşda müzakirəyə çıxarılır. Ancaq sən təzə qanun layihəsi kimi təqdim edirsən. Bura nə ABŞ-dır, nə də Hollivud. Bura Azərbaycandır və qanun layihəsi də 3-cü oxunuşda müzakirəyə çıxarılır”.
İraddan sonra R.Hüseynov O.Əsədova cavab verib: "İcazə verin mən sözümü bitirim. Sonra qanun layihəsini təqdim edəcəyəm”.
Anar
