Whatsapp tərtibatçıları öz rəqiblərindən geri qalmayaraq sözügedən messencerə Dark Mode rejimini daxil etməyi qərara alıblar.
Lent.az technote-a istinadən xəbər verir ki, WabetaInfo saytının mütəxəssisləri məşhur messencerin son beta versiyası olan Whatsapp 2.19.82-də Dark Mode rejimini aktivləşdirə biliblər.
Lakin yeni funsiya hələki hamı üçün aktiv deyil.
Təqdim olunmuş fotolardan da görmək olar ki, messencerdəki Dark Mode rejimi Facebook Messenger-dəki kimi qara deyil. Whatsapp-dakı bir qədər boz rəngdədir. Buna görə də o, AMOLED ekranlar üçün o qədər də uyğun gəlməyəcək.
Bu rejim vasitəsilə messencerdən yaxşı işıqlandırılmamış mühitdə istifadə etmək daha rahat olacaq. Dark Mode rejiminin Whatsapp-da rəsmi olaraq nə zaman aktiv ediləcəyi barəsində heç bir məlumat yoxdur. Lakin ehtimal ki, bunun üçün çox gözləmək lazım gəlməyəcək.
