Dekabrın 19-da Abşeron rayonunun bəzi ərazilərində elektrik enerjisi təchizatında fasilə yaranacaq. Bu barədə "Azərişıq" ASC-nin mətbuat xidmətindən məlumat verilib.
Bildirilib ki, sabah saat 11:30-dan 14:00-dək Abşeron rayonu Saray qəsəbəsinin bəzi əraziləri (badam bağları), Novxanı ərazisinin bir hissəsində elektrik enerjisi təchizatında qısamüddətli fasilə yaranacaq.
Fasiləyə səbəb Sumqayıt 110/35/10 kVt-luq yarımstansiyasından çıxan və Saray qəsəbəsinin bəzi ərazilərini qidalandıran iki dövrəli 10 kVt-luq "Saray 3" və "Saray 8" xətlərində aparılan yenidənqurma işləridir.
