ABŞ prezidenti Donald Tramp və Avropa Komissiyasının rəhbəri Ursula fon der Lyayen, son həftələr ərzində aparılan intensiv ticarət danışıqlarından sonra bu gün Şotlandiyada görüşəcək.
APA xəbər verir ki, bu barədə “Al Jazeera“ məlumat yayıb.
Brüssel, Trampın cümə gününə təyin etdiyi son tarixdən əvvəl Vaşinqtonla razılaşma əldə edərək transatlantik ticarət müharibəsinin qarşısını almağa çalışır.
Avropa Komissiyasının prezidenti Ursula fon der Lyayen bazar günü ABŞ prezidenti ilə Şotlandiyadakı Turnberri qolf klubunda görüşəcək. Avropa nazirləri ümid edirlər ki, bu görüş nəticəsində Trampın Aİ mallarına tətbiq etməyi planlaşdırdığı 30 faiz gömrük tariflərinin qarşısını alan bir razılaşma əldə edilə bilər.
Danışıqlarda iştirak edən mənbələrin bildirdiyinə görə, avropalı nümayəndələr tariflərin 15 faiz səviyyəsində saxlanmasına nail olmağa çalışırlar. Tramp isə cümə günü jurnalistlərə bildirib ki, Aİ tərəfi razılaşmanı çox istəyir.
