Monteneqronun məqsədi 2026-cı ilə qədər Avropa İttifaqına üzvlüklə bağlı danışıqları başa çatdırmaq və 2028-ci ilədək ittifaqın növbəti üzv olmaqdır.
Publika.az xəbər verir ki, bunu Monteneqro Prezidenti Yakov Milatoviç ölkəsində səfərdə olan Avropa Komissiyasının Prezidenti Ursula Fon der Lyayen ilə görüşdə deyib.
Monteneqronun Avropaya inteqrasiyasının sürətləndirilməsi görüşün əsas müzakirə mövzusu olub. Eyni zamanda, Monteneqronun Avropa İttifaqına üzv olması haqqında müqavilənin layihəsinin hazırlanmasına başlanılması ilə bağlı fikir mübadiləsi aparılıb.
