"Qara dəniz regionunda təhlükəsizlik Rusiya tərəfindən pozulur".
Teleqraf xəbər verir ki, bunu Dəniz İqtisadi Əməkdaşlıq Təşkilatı Parlament Assambleyasının (QDİƏT PA) 65-ci plenar sessiyasında iştirak edən Ukrayna nümayəndə heyətinin üzvü Aleksey Movçan deyib.
O bildirib ki, bu gün Ukraynanın 20 faizinin işğalı aqressiv siyasətin nəticəsidir.
"Rusiyanın işğalı altında olan ərazi Moldovanın ərazisindən çoxdur. Ukraynalı qaçqınların sayı Azərbaycan vətəndaşlarının sayı qədərdir. 20 min uşaq Rusiya tərəfindən qaçırılıb.
Bütün şəhərlər dağıdılır. Rusiyaya qarşı sanksiyaları azaltmaq olmaz. O ölkəyə sanksiyalardan yan keçməyə kömək edənlər, unutmayın, o sizi kürəyinizdən vuracaq. Bizim Rusiyaya qarşı müqavimətimiz kiçik dövlətlər üçün ismarışdır", - o qeyd edib.
