"Ali təhsil müəssisələrinə ixtisas seçimlərinin aparılması avqust ayının ortalarına planlaşıdırılır".
Bunu Dövlət İmtahan Mərkəzinin (DİM) aparat rəhbəri Vəfadar Misirov jurnalistlərə açıqlamasında deyib.
O bildirib ki, hələ qabiliyyət imtahanları və apellyasiyalar davam edir: "İxtisas seçimlərinin aparılması başlayandan sonra 10 gün davam edəcək".
V.Misirov onu da qeyd edib ki, magistratura pilləsi üzrə boş qalan yerlər üçün də ixtisas seçimi avqustun ortalarında başlayacaq.
