İstanbulun Beşiktaş rayonunda bombalı terror hücumunda şəhid olan Çevik Qüvvətlər polisi Yasin İke və Xüsusi Hərəkat polisi Osman Börklüoğlu üçün ilk mərasim Kayseri Təhlükəsizlik İdarəsində təşkil edilib.
Şəhid polis məmurları Yasin İke və Osman Börklüoğlunun türk bayraqlarına sarılmış cənazələri, dünən axşam İstanbuldan təyyarə ilə Kayseriyə gətirilib. Təhsil və Araşdırma xəstəxanasının meyitxanasına qoyulan şəhidlərin cənazələri, bu səhər yaxınları və həmkarları tərəfindən alınaraq yerli təhlükəsizlik idarəsinin bağçasına gətirilib. Burada İke və Börklüoğlu üçün mərasim təşkil edilib.
Şəhid polis məmurların cənazələri sahəyə girər - girməz, yaxınlarının gözyaşları və fəryadları bir-birinə qarışdı. Hamı tabuta doğru qaçıb, sarıldı.
Bu vaxt şəhidin bəzi yaxınları huşunu itirdi. Mərasim zamanı şəhidin bir yaxını da tabutun başında ağlayan polis məmurunun gözyaşlarını sildi.
