ABŞ-ın vitse-prezidenti Co Bayden prezidentliyə namizəd Hillari Klintona dəstək məqsədilə Pensilvaniya ştatında mitinq təşkil edib.
Axar.az xəbər verir ki, Bayden çıxışında Respublikaçılar Partiyasından namizəd Donald Trampın qadınlar haqda dediyi sözlərə belə münasibət bildirib:
"Çünki milyarderəm, başqalarının edə bilmədiyini edə bilərəm. Bu, hər hansı şəxsin deyə biləcəyi çox iyrənc ifadədir. Məndən onunla mübarizə aparmaq istəyərdinmi, deyə soruşurlar. Xeyr, istəməzdim. Onunla liseydə oxumaq və onu idman zalının arxasına aparmaq istəyərdim… Mənim istəyim budur”.
Xatırladaq ki, ötən həftə Trampın 2005-ci ilə aid bir videoyazısı üzə çıxıb. Həmin materialda Tramp qadınların ünvanına təhqiramiz ifadələr işlədib. Çoxsaylı vətəndaşlar, habelə Respublikaçılar Partiyasının öz üzvləri belə bu hadisəyə mənfi münasibət bildiriblər.
