"Azərbaycanda 2018-ci ildə keçirləcək prezident seçkilərinə qədər Klassik Xalq Cəbhəsi Partiyasında (KXCP) Ali Məclisin sessiyaları olacaq”.
Bu barədə "Sherg.az”a adıçəkilən siyasi təşkilatın sədri Mirmahmud Mirəlioğlu bildirib. Onun sözlərinə görə, partiyada qurultaya hazırlıq işləri aparılır:
"Keçiriləcək qurultayda prezident seçkilərinə münasibət bildiriləcək.
Ötənlərəd Ali Məclisin son sessiyası baş tutdu. Bu məsələ də gündəliyə daxil edildi. Lakin digər məsələləri nəzərə alaraq, hələlik prezident seçkiləri ilə bağlı müzakirə aparılmayıb”.
Partiyanın seçkilərdə irəli sürəcəyi namizədə gəlincə, M.Mirəlioğlu diqqətə çatdırıb ki, namizədin müəyyən edilməsinə dair son qərarı qurultay verəcək: " Hələlik dəqiq qərar yoxdur. KXCP-nin rayon və mərkəzi seçki qərargahları mütəmadi işlər aparır”.
Qeyd edək ki, Azərbaycan Respublikası Prezidenti postuna keçirilməsi nəzərdə tutulan VIII rəsmi ümummilli prezident seçkiləri 2018-ci ildə baş tutacaq.
Aysel Aslan
