Ankara Böyükşəhər Bələdiyyə Başçısı Melih Gökçək, bu gün 23,5 illik vəzifəsinə vida edəcək. sherg.az türk mediasına istinadən xəbər verir ki, Gökçək bələdiyyə üzvləri ilə vida görüşündə bunları söyləyib:
"23 ildən bəri birlikdə olduğum dostlarımız var. Yaxşı günlərimiz, pis günlərimiz oldu. Birlikdə Ankaranı tikdik. Bu gün əgər Ankara müasir bir şəhərdirsə sizlərin səyi sayəsindədir. Bundan dolayı hamınıza təşəkkür etməyi borc bilirəm. Bəlkə bələdiyyə başçınız olaraq sizləri üzdüyüm zamanlar olub, buna görə də hamınız haqqınızı halal edin. Məndən yana haqqım halal olsun. Qiymətli dostlarla çox gözəl işlər gördük. Sabah (bu gün) Allah nəsib etsə, saat 14.00-də mətbuat konfransında hərtərəfli izah verəcəyəm. Televiziyalarda izləyərsiniz, inşallah. Təbii mənim bələdiyyə başçılığından ayrılmağımı, prezident Rəcəb Tayyib Ərdoğan tələb etdi. Biz də bu tələbi qırmayaraq, nə səbəbə qırmadığımızı da çox dəqiq olaraq sabah (bu gün) televiziyalardan izləyəcəksiniz. Bu gündən bələdiyyə sədrliyindən ayrılıram. 23 ildə 5 dəfə seçkiyə getdik, 5-ində də Allaha həmd olsun, sizlərin səyiyləyüzümüzü ağ etdiyiniz üçün bu seçkiləri hər səfərində qazandıq. Amma nəsibmiş, bu qədərmiş, inşallah bundan sonrakı həyatda da dəyişik yerlərdə qarşılaşmaq nəsib olar. İnşallah, yenə görüşərik. Tək-tək əllərinizi sıxa bilmədim, üzürlü sayın, amma sıxmış kimi qəbul edin. Necə olsa da bir yerlərdə qarşılaşarıq. Bundan sonrakı həyatınızda hamınıza müvəffəqiyyətlər diləyirəm. Təkrar, xoş bir səda qoya bildiksə, nə xoşbəxtəm və sizə həyatınızda, ailənizlə birlikdə xoşbəxtliklər diləyirəm. Hamınızı Allaha əmanət edirəm və yaxşı günlər olsun deyirəm."
