Beşiktaşdakı terrora reaksiyalar davam edir. Bu arada hücumun olduğu nöqtəyə gündə yüzlərlə adam gedərək dualar edib, qərənfillər qoyur. İctimai mediada paylaşdığı yazı ilə hər kəsi ağladan, polisləri müalicə edən o tibb bacısı da bu gün orada idi.(Milliyet)
İstanbulda xain terrorun reallaşdığı nöqtəyə ən yaxın xəstəxana olan keçmiş adıyla Gümüşsuyu Hərbi Xəstəxanası... Tibb bacısı o gecəni izah edir: 'Mən çox yaxşıyam bacı, lütfən məni buraxın, digər yoldaşıma yardım edin" deyirdilər."
Şəhidlər üçün hadisə yerinə çələng qoyan işçilərdən biri də o gecə yaralı polislərə ilk müdaxiləni edən Gülsüm Çitçi adlı tibb bacısı idi. Hadisəni eşidər-eşitməz 6 yoldaşıyla birlikdə xəstəxanaya qaçdığını bildirən Citçi, "Əlimizdən gələnin ən yaxşısını etməyə çalışdıq" deyir.
"Qəhrəmanlarımız" olaraq xarakterizə etdiyi yaralı polislərin tək dərdinin yoldaşları olduğunu izah edən Citçi, " 'Mən çox yaxşıyam bacı, lütfən məni buraxın, digər yoldaşıma baxın' deyirdilər. Hamısının tək qayğısı bu idi. Öz yaralarını, öz qanlarını heç biri görmürdü. Yalnız yoldaşının ağrısını hiss edirdi" deyə danışır.
