"Azərbaycanlı tələbələrin Türkiyə ali məktəblərinə qəbulu ilə bağlı heç bir dəyişiklik yoxdur.
Sherg.az xəbər verir ki, bu barədə Türkiyənin Azərbaycandakı səfiri Erkan Özoral Mətbuat Şurasında bu gün baş tutan toplantı zamanı bildirib.
Səfir qeyd edib ki, YÖS imtahaları əvvəlki qaydada keçiriləcək:
" Türkiyənin hər bir ali məktəbinin gəlib Azərbaycanda imtahan götürmək səlahiyyəti var. Və yaxuda da azərbaycanlı tələbələr gedib, Türkiyədə imtahan verə bilərlər. Narahatlığa əsas yoxdur".
Qeyd edək ki, son zamanlar Türkiyə ali məktəblərinə azərbaycanlı tələbələrin qəbulunun YÖK tərəfindən vahid qaydada təşkil ediləcəyinə və bir gün ərzində keçiriləcəyinə dair söz-söhbətlər yaranıb. Bu şayiə azərbaycanlı tələbə və valideylərin narahatlğına səbəb olub.
