Dünən Türkiyənin paytaxtı Ankarada İŞİD üzvü olduqları ehtimal edilən 49 nəfər saxlanılıb.
"Sherg.az" "Lefigaro.fr"ə istinadən xəbər verir ki, bu barədə Türkiyənin "Anadolu" İnformasiya Agentliyi məlumat yayıb. Xəbərə görə, həmin şəxslər 30 oktyabrda Türkiyənin milli bayramı günü terrakt planlamaqda ittiham olunurlar.
Yazıda o da qeyd olunur ki, həmin qrup 55 nəfərdən ibarətdir. Bununla yanaşı agentlik həmin şəxslərin milliyətini açıqlamayıb.
Bundan başqa agentlik yazır ki, Türkiyənin İstanbul şəhərində terrakt planlamaqda şübhəli bilinən 4 İŞİD üzvü saxlanılıb.
Eyni zamanda agentlik xatırladır ki, son iki ildə Türkiyədə İŞİD terror qruplaşması tərəfindən çoxsaylı sui-qəsdlər törədilib.
Onlardan ən dəhşətlisi isə ötən il 39 nəfərin İstanbulda məşhur diskotekaların birində bir gecədə 39 nəfərin qətlə yetilməsi olub.
Tərcümə etdi: Ayyət ƏHMƏD
