Rusiya KTMT-dəki müttəfiqlərinin Silahlı Qüvvələrinə nəzarəti ələ keçirmək istəyir.
Teleqraf xəbər verir ki, bu barədə ABŞ-nin Müharibə Araşdırmaları İnstitutunun (ISW) materialında deyilir.
Qeyd olunur ki, iyunun 24-də Rusiya Dövlət Duması KTMT-yə üzv dövlətlərə silahlı münaqişə, təhdidlər və böhranlı vəziyyətlər zamanı öz qoşunlarını digər üzv dövlətlərin ərazisinə göndərmək, fövqəladə halların nəticələrinin aradan qaldırılması və humanitar yardımın göstərilməsi üçün təlimlər keçirməyə icazə verən protokolu ratifikasiya edib.
ISW bildirir ki, protokol KTMT-yə qoşunları əvvəlki kimi 30 gün deyil, KTMT Şurasının qərarından bir gün sonra göndərməyə icazə verir. Protokolda həmçinin Rusiyanın dominantlıq edəcəyi ehtimal edilən KTMT-nin “Təşkilat Komandanlığı” ifadəsi də var.
“Uzun müddətdir fikrimiz budur ki, Kreml keçmiş sovet məkanında çoxmillətli birləşmiş ordu yaratmaq üçün keçmiş sovet dövlətlərinin qoşunlarını Rusiya Silahlı Qüvvələrinə tabe etməyə çalışır”, - ABŞ institutunun analitikləri deyirlər.
Ətraflı
Ads by
0
Reklamınızı SmartBee ilə effektiv edin.
ISW-nin fikrincə, Rusiya rəhbərliyi öz ordusu və cəmiyyətini orta və uzunmüddətli perspektivdə NATO ilə potensial müharibəyə hazırlamağa davam edir.
“Ukraynada mümkün atəşkəs və ya uzunmüddətli fasilə Rusiyaya 2030-cu ilə qədər NATO üçün əhəmiyyətli təhlükə yarada biləcək şəkildə yenidən silahlanmağa və ordusunu yenidən qurmağa imkan verəcək”, - Müharibə Araşdırmaları İnstitutunun ekspertləri hesab edirlər.
Xatırladaq ki, KTMT-yə Rusiya, Belarus, Ermənistan, Tacikistan, Qırğızıstan və Qazaxıstan daxildir.
