NATO müttəfiqləri hərbi xərcləri artırmaq barədə razılaşıblar.
APA xəbər verir ki, bu barədə NATO-nun Haaqa sammitinin yekun bəyanatında bildirilib.
Müttəfiqlər 2035-ci ilə qədər ümumi daxili məhsulun 5%-nin müdafiə xərclərinə sərf olunması ilə bağlı razılığa gəliblər.
Birgə bəyanatda “Rusiyadan və terrorizmdən gələn təhdidlərə qarşı” alyans üzvlərinin həmrəy olduğu vurğulanır.
Bəyannamədə əlavə olaraq, NATO ölkələrinin 2029-cu ildə hərbi investisiyaların parametrlərinə yenidən baxılacağı da qeyd olunub.
Qeyd edək ki, bundan əvvəl NATO-ya üzv ölkələrin hərbi xərclərə ayırmalı olduğu büdcə ümumi daxili məhsulun sadəcə 2%-ni təşkil etməli idi.
